” નેતિ નેતિ બ્રહ્મ “ June 4, 2007
Posted by vijayshah in : કવિતા , trackback” નેતિ નેતિ બ્રહ્મ ”
કહેવું શૂન્યને મોટું કે નાનું
તે ન કદી સમજાય.
શૂન્ય તણા આવે વિચારો
‘ને મન મારૂં મુઝાય.
જે શૂન્યમાં તરે છે સૃષ્ટિ સારી
તે અણુમાં પણ સમાય.
અણોર્ અણિયાન મહતો મહિયાન
તેથી તો તેને કહેવાય.
શૂન્ય ન બળે અગ્નિથી કદી
‘ને પાણીથી તે ન ભીંજાય.
શૂન્ય ન સૂકાયે વાયુથી
કે ન શસ્ત્રથી તે છેદાય.
આ શૂન્યમાં સંતાઇ જે શકિત
તે શકિત બ્રહ્મ કહેવાય.
સર્વવ્યાપિ છે શૂન્ય શકિત આ
પણ ન કદી કો’ને દેખાય.
જેણે જાણી આ શૂન્યની શકિત
તે સહુ દ્રષ્ટાઓ કહેવાય.
‘ને તેઓનું કહેવું છે કે આ શકિત જ
નેતિ નેતિ બ્રહ્મ કહેવાય.
Comments»
ફેમેન ડાયાગ્રામ શૂન્યમાંથી સબ-એટમિક પાર્ટિકલ્સનું સર્જન સમજાવે છે. અને વળી પાછું એમનાંમાંથી શૂન્યનું સર્જન કેમ થાય એ પણ જણાવે છે. શું આ જ શૂન્યમાંથી સૃષ્ટિ અને સૃષ્ટિમાંથી શૂન્યનું અદ્ભૂત ચક્ર છે?
મારો લેખ ‘ચાલો અભણ બનીએ’ – એ આ શુન્યની મહત્તાના સંદર્ભમાં જ છે.
If you get NOTHING , you get EVERYTHING’